Մի քանի տարի առաջ HTC ընկերությունը Facebook-ի հետ համատեղ թողարկել է HTC First սմարթֆոնը, որի հիմնական առանձնահատկությունը հատուկ կոճակի առկայությունն է, որը թույլ է տալիս արագ անցնելու Մարկ Ցուկերբերգի սոցիալական ցանց, հայտնում է ultramir.net-ն:
Սակայն այդ սմարթֆոնը բավականին վատ է վաճառվել: Նախագծից մի քանի ամիս անց արտադրողը նույնիսկ սկսել է այն առաջարկել 1 դոլարով` օպերատորի հետ երկամյա պայմանագիր կնքելու պայմանով: Այսօր հայտնի է դարձել, որ Facebook-ն այլևս չի թողարկելու այդ սմարթֆոնը:
Թվում է, որ Facebook-ին հարկավոր չէ սեփական սմարթֆոն: Փոխնախագահ Դեյվ Մարկուսը հայտարարել է, որ Messenger-ը, WhatsApp-ը և Instagram-ը զբաղեցնում են սմարթֆոններից օգտվողների ժամանակի մոտ 25%-ը: