Բրիտանացի երգիչ Ռոբի Ուիլյամսը հայտարարել է հեռուստադերասան դառնալու իր ցանկության մասին և նշել է, որ հիմա գաղափարներ է մշակում իր նոր հեռուստաշոուի համար: Այս մասին հայտնում է starslife.ru-ն:
41-ամյա երաժիշտը որոշել է դադար առնել իր ստեղծագործական կյանքում, որ իրեն նոր զբաղմունքին՝ հեռուստատեսությանը նվիրի:
«Ես շոուի մասին մի քանի հետաքրքիր գաղափար ունեմ: Միանգամից կասեմ՝ այն անպայման չէ, որ երաժշտական լինի: Այլևս ոչինչ ասել չեմ կարող, քանի որ առայժմ պատմելու բան էլ չկա»,- ասել է Ռոբին:
Ուիլյամսը ոչ միայն կմասնակցի ծրագրի ստեղծմանը, այլև կլինի դրա հաղորդավարը: Իսկ The X Factor հեռուստաշոուին այլևս չի մասնակցի՝ չնայած վերջերս շրջանառվող շշուկներին: