Իրանի նկատմամբ Արևմուտքի սահմանած պատժամիջոցների վերացումից հետո այսօր մի խումբ իրանցի գործարարներ Երևանի առևտրաարդյունաբերական պալատում հանդիպում ունեցան հայ գործարարների հետ՝ քննարկելու համագործակցության հնարավոր ուղիներ: Կառավարության ներկայացուցիչ Պարույր Ջանգուլյանը ներկայացրեց Հայաստանի ներդրումային դաշտը. «Հայաստանը բաց է արտահանմանն ուղղված արդյունաբերական քաղաքականությունում նշված բոլոր ոլորտներում համագործակցության համար»:
Հայաստանում ԻԻՀ դեսպանատան տնտեսական գործերով կցորդ Հմայակ Ավետիսյանի խոսքով՝ Իրանը Հայաստանին ավելի շատ դիտում է որպես տարանցիկ գոտի, որպես շուկա, որտեղ կարելի է առևտուր իրականացնել:
Իրանի առևտրարդյունաբերական պալատի նախագահը մեծ ակնկալիքներ ունի, որ իրանցի գործարարների հոսքը Հայաստան կմեծանա, քանի որ համագործության բազմաթիվ ուղղություններ կան: Իրանի հետ լիարժեք համագործակցություն սկսելու համար դեռ խոչընդոտներ կան, որոնք կապված են ԵՏՄ-ի հետ: