Sotheby’s աճուրդի տունը նոյեմբերի 5-ին Նյու Յորքում կայանալիք աճուրդի ժամանակ աճուրդի կհանի Պաբլո Պիկասոյի La Gommeuse նկարը` ամերիկացի գործարար Բիլ Քոչի հավաքածուից: Այս մասին հաղորդում է France Presse-ը:
Նկարը Լոնդոնում հանրությանը կներկայացվի հոկտեմբերի 10-15-ը, որից հետո այն Նյու Յորք կտեղափոխվի, որտեղ կցուցադրվի հոկտեմբերի 30-ին: La Gommeuse-ն, որի արժեքը գնահատվում է 60 մլն դոլար, չի ցուցադրվել թանգարանների հավաքածուներում: Բիլ Քոչն այն ձեռք է բերել 1984-ին:
Նկարում կաբարեի երգչուհի է` վառ կարմիր շուրթերով և շագանակագույն մազերով, ինչպես նաև ճերմակ մաշկով: Նկարը Պիկասոն նկարել է 1901-ին: