Բեմադրիչ, ռեժիսոր Սուրեն Շահվերդյանը հիանալի և տեղին է համարում Անահիտ Բախշյանի նախաձեռնությունը՝ «Էրեբունի-Երևան» տոնակատարությանը հատկացվելիք բյուջեն տրամադրել սահմանամերձ որևէ գյուղի՝ հաշվի առնելով սահմանային լարված իրավիճակը, որը, սակայն, չընդունվեց քաղաքապետարանի կողմից:
«Ես կարծում եմ, որ այսօր մենք իսկապես իրավունք չունենք այդպիսի ծախսեր և շռայլություն թույլ տալու մեզ: Նաև կարծում եմ, որ տոնական ոգին պահպանելու համար անհրաժեշտ չեն մեծ գումարներ: Ուրեմն սա նշանակում է, որ մեր իշխանությունները այդ միջոցառումները նախատեսում են գումարները գրպանելու համար»:
Սուրեն Շահվերդյանը նաև ճաշակի միանգամայն բացակայություն է նկատում այս տոնակատարությունների դիզայներական աշխատանքներում. «Սա տոն չէ, սա ողբերգություն է, իսկապես խրախճանք է ժանտախտի ժամանակ»: