Գերմանաcի դատախազները Վոլֆսբուրգում Volkswagen-ի շտաբ-բնակարանում խուզարկություն են կատարել` կապված դիզելային ավտոմեքենաների վնասակար արտանետումների չափումների կեղծման հետ, հայտնում է BBC-ն: Հինգշաբթի օրն ԱՄՆ-ում Volkswagen-ի ղեկավար Մայքլ Հորնը պետք է ելույթ ունենա ամերիկյան Կոնգրեսի առջև:
Չորեքշաբթի նա խոստովանել է, որ այդ խնդրի մասին իրեն հայտնի է դարձել անցյալ տարվա սկզբին, սակայն ավտոմեքենաների ծրագրային ապահովման շահարկման մասին նա իմացել է մի քանի շաբաթ առաջ:
Volkswagen-ի ներկայացուցիչներն ասում են, որ իրենք ջանում են պարզել մեղավորներին:
Հիշեցնենք, որ շրջակա միջավայրի պահպանության ամերիկյան գործակալությունը Audi A3, Jetta, Beetle, Golf և Passat ավտոմեքենաներում հայտնաբերել է սարք, որը զտիչները միացնում է վնասակար նյութերի և ծխագազերի թեստավորման և անջատում սովորական շահագործման ժամանակ: Դրա հետևանքով, Volkswagen-ի դիզելային շարժիչի իրական վնասակար արտանետումները շատ ավելի են եղել, քան ցույց են տվել թեստի արդյունքները:
Սեպտեմբերի 23-ին ընկերության ղեկավար Մարտին Վինտերկորնն ազատվել է աշխատանքից, որին փոխարինել է Մատիաս Մյուլերը:
