Այսօր ԱԺ-կառավարություն նիստի ավարտից հետո վարչապետ Հովիկ Աբրահամյանը որոշեց պատասխանել լրագրողների հարցերին։ Արդեն տեղեկացրել ենք, որ մինչ այդ խոչընդոտվել էր լրագրողների աշխատանքը։ Վարչապետից հետաքրքրվեցինք, թե Ռոբերտ Քոչարյանի վերադարձի հայտը իրական սպառնալիք չէ՞ իրենց իշխանության ու կառարավության համար։ «Ես որևէ սպառնալիք չեմ տեսնում որևէ քաղաքական ուժի։ Որևէ անհատի մասնակցություն որևէ ընտրություններում շատ նորմալ եմ համարում։ Դա ընտրում է ժողովուրդը։ Յուրաքանչյուր քաղաքական ուժ իրավունք ունի մասնակիցի, նույնիսկ՝ անհատ։ Եթե ցանկություն ունեն, մենք խանգարելու, խոչընդոտելու իրավունք էլ չունենք։ Ես կարծում դա ավելի զգոնություն կբերի և մենք կփորձենք մեր ուժերը համախմբել և գնալ առաջ։
Վարչապետի պաշտոնում նշանակվելուց հետո Հովիկ Աբրահամյանն այցելել էր Ռոբերտ Քոչարյանին։ Հետաքրքրվեցինք, թե այժմ նման բան կա՞ և պատրաստվում է առաջիկայում այցելել Քոչարյանին։ «Մենք մեր առաջին, երկրորդ նախագահներին շատ հարգում ենք, շատ հարգանքով ենք վերաբերվում և ես կարծում եմ՝ կապը մի քիչ շատ հարաբերական հասկացություն է։ Ավելի լավ կլինի՝ չմանրացնենք»։
Վարչապետն անդրադարձավ նաև ՀԷՑ-ի ու «Մարզահամերգային համալիրի» վաճառքին։
Մանրամասները դիտեք տեսանյութում։
