Georgia Online-ի փոխանցմամբ՝ Վրաստանի նախկին նախագահ Միխեիլ Սաակաշվիլու «Միասնական ազգային շարժում» կուսակցության գործադիր քարտուղար Սերգո Ռատիանին հայտարարել է, որ կառավարության ներկայացրած 2016 թվականի բյուջեն ունակ չէ երկիրը դուրս բերել ճգնաժամից։
Ռատիանին այդ մասին հայտարարել է կուսակցության գրասենյակում կազմակերպված մամլո ասուլիսի ժամանակ՝ հայտարարելով, որ 2016 թվականին կառավարությունը վարչական-բյուրոկրատական ծախսերը մեծացնում է 57 միլիոն լարիով. «Եվ դա այն պայմաններում, երբ կառավարությունը 3 տարվա ընթացքում վարչական ու բյուրոկտական ծախսերը մեծացրել է 389.2 միլիոն լարիով։ Դա տեղի է ունենում նրա ֆոնին, որ երբ երկրում իշխանության եկավ Իվանիշվիլու վարչակարգը, երկիրը կորցրեց 7 միլիարդ։ 2016 թվականին չի աճելու թոշակառուների նպաստը։ Կառավարությունը մտածում է ոչ թե տնտեսության ու ժողովրդի, այլ իր մասին»։