Android 6.0 Marshmallow-ի թողարկման հետ Google Play-ում հայտնվել է Google Translate հավելվածի թարմացում, որը հնարավորություն է տալիս տեքստ թարգմանել համակարգի ցանկացած մասում: Այս մասին հայտնում է Google-ի պաշտոնական բլոգը:
Թարգմանչի նոր տարբերակում բավարար է տեքստ առանձնացնել համակարգի ցանկացած պատուհանում և կոնտեքստային մենյուում ընտրելով համապատասխան կետը՝ կարելի է թարգմանել առանձնացված տեքստը: Թարգմանությունը երևում է սահող պատուհանում, որը կրկնում է Google Translate հավելվածի դիզայնը:
Նոր գործառույթը հասանելի կլինի միայն Android 6.0 Marshmallow սմարթֆոնների տերերին, որը Google-ը ներկայացրել է 2015թ. մայիսի 28-ին կայացած համաժողովի ընթացքում: Համակարգի նոր գործառույթներից է՝ մատնահետքով ապաարգելափակելու հնարավորությունը, բազմապատուհան ռեժիմը, տվյալների ռեզերվային կրկնօրինակումը և այլն:
