«Դա իմ լիազորությունների շրջանակում է, իմ որոշելու խնդիրն է։ Ինչ որոշում եմ՝ դա էլ ճիշտ եմ համարում»,- այսօր լրագրողների հետ զրույցում ասաց ԱԺ նախագահ Գալուստ Սահակյանը՝ պատասխանելով այն հարցին, թե նիստերին չհաճախելու պատճառով ինչո՞ւ չի պատժում «Բարգավաճ Հայաստան» կուսակցության նախկին նախագահ Գագիկ Ծառուկյանին։ Վերջինս շարունակում է խորհրդարան չգալ և նիստերին չմասնակցել։
«Խորհրդարանը պատժիչ մեքենա չի կարող լինել»,- ավելացրեց ԱԺ նախագահը։
Գ. Սահակյանը նաև հատուկ շեշտեց, որ նոր Սահմանադրությամբ նիստերին չհաճախելու պատճառով պատգամավորներին պատասխանատվության է ենթարկելու ոչ թե ԱԺ նախագահը, այլ հատուկ խորհուրդը։