Հայաստանի հավաքականի և մարսելի «Օլիմպիկ»-ի պաշտպան Գայել Անդնյանը Le Phoceen պարբերականին տված հարցազրույցում անդրադարձել է Հայաստանի հավաքականում ելույթին։
«Երբ առաջին անգամ ժամանեցի Հայաստան, հարյուրավոր երկրպագուներ սպասում էին ինձ։ Չգիտեի՝ կկարողանամ արդարացնել նրանց սպասելիքները, թե ոչ։
Այժմ ես ցանկանում եմ ողջ ուժերս ներդնել խաղադաշտում։ Նման երկրներում, որտեղ մարդիկ ցեղասպանություն են վերապրել, աջակցում են իրենց հավաքականին»,- նշել է Անդոնյանը։
Հիշեցնենք, որ հոկտեմբերի 8-ին Հայաստանի հավաքականն արտագնա ընկերական խաղ է անցկացնելու Ֆրանսիայի ընտրանու հետ, իսկ հոկտեմբերի 11-ին սեփական հարկի տակ ընդունելու է Ալբանիայի հավաքականին՝ անցկացնելով եզրափակիչ խաղը «Եվրո-2016»-ի ընտրական փուլում։
