«Բարսելոնա»-ի լեգենդ Յոհան Կրուիֆը քննադատել է Վան Գալի գլխավորությամբ «Մանչեսթեր Յունայթեդ»-ի խաղաոճն ու «Չելսի»-ի գլխավոր մարզիչ Ժոզե Մոուրինյոյի վարքը:
«Վան Գալի գլխավորությամբ «Յունայթեդ»-ն անտարբեր ֆուտբոլ է ցուցադրում: «Կարմիր սատանաներ»-ն այլևս չեն կարողանում իրենց հատուկ ֆուտբոլ ցուցադրել: Չեմ կարծում, թե Վան Գալը շատ զգույշ է: Տարօրինակ եմ համարում այն, որ հզոր թիմերի դեմ «Յունայթեդ»-ը լավ արդյունքներ է ցուցադրում, իսկ թույլ թիմերի դեմ խաղերում դժվարանում է:
Ինչ վերաբերում է Մոուրինյոյին, ապա նա կռվարար է և սիրում է իր շուրջ աղմուկ բարձրացնել: Ինձ դուր չի գալիս այն, որ նա իրեն միշտ առաջին շարքում է տեսնում: Սակայն Մոուրինյոն պետք է լինի երկրորդ շարքում: Ժոզեն պետք է ավելի ճիշտ պահի իրեն, քանի որ նա հայտնի է ամբողջ աշխարհում»,-Sky Sports News-ը մեջբերում է Կրուիֆի խոսքերը: