Քաղաքագետ, Նյու Յորքի New School համալսարանի պրոֆեսոր, Նիկիտա Խրուշչովի ծոռնուհի Նինան կարծում է, որ ՌԴ նախագահ Վլադիմիր Պուտինը թերարժեքության բարդույթ ունի:
Ըստ նրա` Պուտինը թույլ մարդ չէ:
«Բայց նա թերարժեքության բարդույթով առաջնորդ է, դա շատերն են նկատել: Ե՛վ նրա հասակը, և՛ նրա կենսագրությունը` այն, որ նա Պետերբուրգի սովորական ընտանիքներից մեկից է»,- նշել է պրոֆեսորը:
«Բոլորը նկատում են` ինչպես է նա նստում: Դա այժմ նույնիսկ կոչվում է «Պուտինի դիրք», երբ նրա ոտքերն այնպես են դրված, որ հնարավոր չէ չնկատել, թե ինչ է այնտեղ: Նա ցույց է տալիս, որ ինքն իսկական տղամարդ է»,- ասել է Խրուշչովան:
Մասնագետի կարծիքով` այդ ամենի պատճառը թերարժեքության բարդույթն է: