Cassini կայանը լուսանկարել է Սատուրնի արբանյակները՝ Պանդորան և Տիտանը: Պանդորան Սատուրնի բնական արբանյակն է (երբեմն կոչվում է Սատուրն XVII), որն ազդում է դրա օղակներից մեկի վրա (F օղակի): Այս մասին հաղորդվում է NASA-ի կայքում:
Թեև լուսանկարում Տիտանը թվում է կայանին ավելի մոտ, քան Պանդորան, նկարահանման պահին Պանդորան Cassini-ին 3 անգամ ավելի մոտ է, քան Տիտանը՝ Սատուրնի ամենամեծ արբանյակը: Դա կապված է երկնային մարմինների չափերի հետ: Տիտանի տրամագիծը 5150 կմ է, իսկ Պանդորայինը՝ 81 կմ:
Cassini կայանը լուսանկարն արել է 2015թ. հուլիսի 4-ին՝ Տիտանից 1.9 մլն կմ և Պանդորայից 698.000 կմ հեռավորությունից:
Cassini-Huygens առաքելությունը NASA-ի և Եվրոպական տիեզերական գործակալության համատեղ նախագիծն է: Հիմնական նպատակն է Սատուրնի, դրա օղակների և Տիտանի ուսումնասիրությունը: