Ինչ պատիժ է սպասվում Սահմանադրական նոր նախագծին «այո» չասած ԲՀԿ-ականներին. «Առաջին լրատվական»-ը փորձեց պարզել ԲՀԿ մամլո խոսնակ Վահան Բաբայանից:
«Ես իմ բառերը շատ լավ հիշում եմ, շատ լավ գիտեմ, թե ինչ եմ ասում, ես պատժել բառը երբևէ չեմ կիրառում իմ խոսկցականի մեջ,- ասաց Վ. Բաբայանը,- այս պահին մենք ոչ թե խոսում ենք, մեկնաբանում ենք կամ քննարկում, այլ մենք կիրականացնենք քայլեր, դուք էլ կտեսնեք: Մեր կուսակցությունը կիրականացնի քայլեր, քայլերի մասին կխոսենք: Մենք հիմա չենք խոսում մարդկանց տեսակետների, կարծիքների, վերաբերմունքի մասին, այլ կուսակցության կանոնադրության վերաբերյալ բոլոր այն հարցերի շուրջ, որոնք կարող են ծագել: Պատժվել բառը դուք ինձանից չեք լսել, ես նման ֆունկցիաներ չունեմ»:
Նաիրա Զոհրաբյանի բացակայության վերաբերյալ Վ. Բաբայանը նշեց, որ նա կուսակցական ֆորմատով արտերկրում մասնակցում է միջոցառումների: