ՆԱՍԱ-ն հրապարակել է մարսյան այն հարթավայրերի ու կիրճերի լուսանկարները, որտեղ կընթանան «Մարսեցին» ֆիլմի իրադարձությունները: Նշենք, որ ֆիլմը համաշխարհային վարձույթ դուրս կգա այս հինգշաբթի:
Ինչպես գրում էRia Novosti գործակալությունը՝ վկայակոչելով ՆԱՍԱ-ի լրատվական ծառայությանը, MRO միջմոլորակային զոնդը լուսանկարել ու Երկիր է փոխանցել Մարս մոլորակի երկու շրջանների լուսանկարները, որտեղ ընթացել են Ռիդլի Սքոթի «Մարսեցին» գիտաֆանտաստիկ ֆիլմի հիմնական գործողությունները, որի առաջին ցուցադրությունը կլինի այս հինգշաբթի:
Նշենք, որ ֆիլմը կներկայացնի մի տիեզերագնացի պատմությունը, որը դժբախտ պատահարից հետո միայնակ է թողնվել Կարմիր մոլորակի վրա իր շարժակազմի կողմից: Ինչպես նշվում է ՆԱՍԱ-ի պաշտոնական հաղորդագրության մեջ, ՆԱՍԱ-ն որոշել է ֆիլմի պրեմիերային ընդառաջ նվեր մատուցել հասարակությանը և, օգտագործելով HiRISE տիպի տեսագրող սարքեր, կատարել լուսանկարահանումներ: Լուսանկարներն արվել են Մարսի Աքսիդալյան հարթավայրից, որը գտնվում է մոլորակի կենտրոնական լայնություններում, և Արեսի սարահարթից, որտեղ վայրէջք է կատարել առաջին մարսագնացը:
