Եվրահանձնաժողովի նախագահ Ժան-Կլոդ Յունկերը հայտարարել է, որ պետք է քննադատել ԵՄ անդամ այն երկրների կառավարություններին, որոնք փորձում են սահմանային արգելապատնեշներ կառուցել ԵՄ ներսում: Այս մասին գրում է Ria Novosti գործակալությունը:
Ըստ Յունկերի՝ ԵՄ անդամ պետությունների միմյանցից մեկուսացումը սահմանապատնեշների միջոցով չի կարող միգրացիոն ճգնաժամի համար լուծում հանդիսանալ: «Անկարելի է պատկերացնել, որ 2015 թ. որոշ կառավարություններ ԵՄ-ում միության ներսում ներքին բաժանարար սահմանապատնեշներ կկառուցեն: Ի՞նչ կլինի դա: Դա կլինի Եվրոպայի վերջը, եթե բոլորը այդպիսի գործելաոճ որդեգրեն»,- մասնավորապես ասել է Եվրահանձնաժողովի ղեկավարը՝ միաժամանակ նշելով, որ ԵՄ-ն ի վիճակի չէ աշխարհի բոլոր փախստականներին ու աղքատներին ընդունել: