Շրիդհար Չիլալը Պունայից է՝ Հնդկաստան: Նա աշխարհում ամենաերկար եղունգներն ունեցող մարդն է: Ինչպես գրում է odditycentral.com-ը, Չիլալը սկսել է իր եղունգները երկարացնել, երբ դեռ դպրոցական էր: Այսօր նա Գինեսի ռեկորդների գրքում գրանցված է որպես երբևէ ամենաերկար եղունգներն ունեցող մարդը աշխարհում:
Շրիդհար Չիլալի եղունգների երկարությունը ձախ ձեռքին կազմում է 909.6 սմ: Նրա բթամատի եղունգի երկարությունը կազմում է երկու մետրից ավելի, իսկ միջնամատի եղունգի երկարությունը երկրորդն է երկարությամբ և կազմում է 181,6 սմ, ճկույթինը` 179,1 սմ: Եղունգների միջին երկարությունը` 164,5 սմ է:
Ինչպես և կարելի է կռահել, Շրիդհար Չիլալի եղունգները վկա են եղել նրա կյանքի բոլոր փուլերին՝ ներառյալ սիրո պատմություններին ու աշխատանքային գործունեությանը: «Ես չեմ կարողանում շատ շարժվել, դրա համար էլ մոտ կես ժամը մեկ արթնանում եմ ու շարժում ձեռքս մահճակալի մի կողմից մյուսը»,- նշում է ռեկորդակիրը: