Պաշտպանության նախարար Սեյրան Օհանյանը նշեց, որ Հայաստանի Հանրապետությունում ռազմավարական նշանակության բոլոր միջոցառումներն ընդունվում եմ խորհրդակցված ձևով, իսկ վերջնական որոշումն ընդունում է ՀՀ նախագահը: Այն առաջարկությունները, որ նախագահը ներկայացրել է խաղաղապահության գծով, մանրակրկիտ քննարկվել են, և մանրակրկիտ գնահատելուց հետո է նա առաջարկություն արել, թե ինչպիսին են մեր կարողությունները: Մեր կարողություններն այսօր համապատասխանում են այդ առաջարկներին, և մենք ոչ միայն գործողությունների, այլ նաև զորավարժությունների ժամանակ հետևողականորեն զարգացնում ենք այդ կարողությունները:
Սահմանային իրավիճակն այսօր մնում է կայուն լարված: Այս գիշեր, նախորդ օրերի համեմատությամբ, իրավիճակը մի քիչ ավելի հանգիստ է եղել, խոշոր տրամաչափի զենքերից, ականանետներից չեն կրակել: Իրավիճակը մեր զորքերի կողմից վերահսկվում է, մեր ժողովուրդը կարող է հանգիստ լինել. հայ զինվորը, առաջին գծում կանգնած, իր պարտականությունները կատարում է պատշաճ մակարդակով:
