«Առաջին լրատվական»-ը ներկայացնում է «Բողոք երկրի սրտից» հաղորդաշարի հերթական թողարկումը:
Երկրի սրտում՝ Հանրապետության հրապարակում, իր բողոքն է հայտնում Ներքին Շենգավիթ 46/4 տան բնակիչ Կարապետ Հովհաննիսյանը: Նրա պնդմամբ՝ իր սեփականության մի մասը ապօրինությունների ու կեղծիքների միջոցով իրենից խլել են նույն բակի մեկ այլ բնակարանում ապրող Լյուդվիգ Դանիելյանն ու Անահիտ Խաչատրյանը:
Կարապետ Հովհաննիսյանը պատմեց, որ իր մայրը 45 տարի առաջ ներքին առուծախի պայմանագրով 10 քառ. մետր տարածքը վաճառել է Լյուդվիգ Դանիելյանին, սակայն հետագայում վերջինս ամուսնացել է, տունը շատ փոքր է եղել, և իր մայրը խղճացել է ու առաջարկել նրան ժամանակավորապես տեղափոխվել նույն բակում իր մեկ այլ տունը՝ 25 քառ. մետր տարածքով. «Մայրս ասել է, որ ապրեն, բայց հետագայում իրենցը ձեռք բերեն ու մեր սեփականությունից դուրս գան, տնօրինեն միայն իրենց վաճառված 10 քառակուսին։ Սակայն 2005 թ.՝ մոր մահից հետո, նրանք կադաստրով, գեոդեզիայով, քաղաքապետարանով ու դատարանների միջոցով ինձանից խլել են ժառանգությամբ ինձ պատկանող տարածքը, նրան է տրվել 35 քառ. մետր։ Նրանք այնքան են իրենց անպատժելի համարում, որ սեփականել են 60 քառ. մետրը՝ հիմա էլ ինձանից բակն են ուզում խլել ու կիսել»:
Մանրամասները՝ տեսանյութում։
