ԱԺ «Ժառանգություն» խմբակցության պատգամավոր Ռուբիկ Հակոբյանը տեղյակ չէ, որ Սերժ Սարգսյանն արդեն նախագահի թեկնածու ունի:
Նշենք, որ Վաշինգտոնում գտնվող ՀՀ նախագահ Սերժ Սարգսյանը ամերիկյան առաջատար վերլուծաբանների հետ քննարկումների ընթացքում հայտարարել էր. «Կարող եմ կանխատեսել, թե, հավանաբար, ով կդառնա Հայաստանի Հանրապետության հաջորդ ղեկավարը, սակայն այդ մարդու անունն առայժմ չեմ տա մի շարք պատճառներով»:
«Տեղյակ չեմ, բայց, նկատի ունենալով, որ սահմանադրական փոփոխությունների խնդիր կա, և, ըստ էության, նախագահական համակարգը դուրս է գալիս, ճիշտն ասած՝ դժվար է հասկանալ՝ այդ ինչ նախագահի մասին է խոսքը»,-«Առաջին լրատվական»-ի հետ զրույցում նշեց Ռուբիկ Հակոբյանը:
Թե ով է լինելու հաջորդ նախագահը՝ Ռուբիկ Հակոբյանը դժվարացավ պատասխանել՝ նշելով, որ գուշակություններ անելը ճիշտ չէ: