2010 թվականին iPad-ի թողարկումից հետո պլանշետների վաճառքի «ոսկե» ժամանակաշրջանը դանդաղորեն ավարտվում է։ Վերլուծաբանները ոչ պարզ ապագա են գուշակում պլանշետային մոդելների համար արդեն 2016 թվականին։ Այս մասին հայտնում է 3dnews-ը։
ABI Research-ի հետազոտությունների արդյունքներով՝ պլանշետների օգտատերերի թիվը, որն աճել է վերջին 5 տարում, անխուսափելիորեն կսկսի կրճատվել։ Պիկը կգրանցվի 2015-ի վերջին՝ 373 մլն միավոր։
Միևնույն ժամանակ ֆաբլետների պահանջարկը մեծանում է վիթխարի տեմպերով։ Բացի այդ, մեծանում է 2-ը 1-ում ուլտրաբուքերի ժողովրդականությունը, որոնք կարող են գործածվել նաև որպես պլանշետ։