«Առաջին լրատվական»-ը ներկայացնում է «Բողոք երկրի սրտից» հաղորդաշարի հերթական թողարկումը: Երկրի սրտում՝ Հանրապետության հրապարակում, իր բողոքն է հայտնում Արարատի մարզի Մրգավետ համայնքի բնակիչ Հռիփսիմե Մուրադյանը:
Նա մեզ պատմեց, որ 2011թ. մոր մահից հետո իրենց տունը կռվախնձոր է դարձել. եղբայրը կադաստրի միջոցով կեղծիքներով տան տնտեսական փաստաթղթում ավելացրել է նաև կնոջ՝ Սաթիկ Միրոզյանի անունը:
«Դիմեցի ժառանգությունս ստանալու համար, դատարանում պարզվեց 3-րդ անձ կա, բայց դա ակնհայտ կեղծիք է. նա 95 թվականին է զագսավորվել, ինչպես կարող էր տան սեփականատեր լիներ, կադաստրի սկզբնական վկայականով սեփականատերը մայրս ա եղել՝ Ծաղիկ Ստեփանյանը, և եղբայրս՝ Գեղամ Մուրադյանը, հիմա ստացվում է ընենց, որ մայրս սեփականատեր չի եղել, ինձ էլ միայն խոհանոցն են հատկացրել»,- մանրամասնեց նա:
Տիկին Հռիփսիմեն դիմել է դատական բոլոր ատյաններին, բայց խնդիրը այդպես էլ չի հանգուցալուծվում, նա այժմ դիմում է գլխավոր դատախազին. «Կատարվածը ակնհայտ հանցագործություն է, դատարանները նույնիսկ վկայությունները հաշվի չեն առնում, 4 տարի է՝ քաշքշուկի մեջ եմ»:
Մանրամասները՝ տեսանյութում:
