Այսօր Kaspersky Lab ընկերությունը հաղորդագրություն էր տարածել, որով կոչ էր անում լրատվամիջոցներին չշահարկել ընկերության ղեկավար Եվգենի Կասպերսկու որդու առևանգման լուրը, քանի որ դա վնաս է հասցնում է համակարգիչների համար հակավիրուսային ծրագրեր արտադրող ընկերությանը:
Ավելի ուշ ռուսական Life News կայքը, որը հայտնել էր Եվգենի Կասպերսկու որդու առևանգման տեղեկությունը, գրել է, որ Եվգենի Կասպերսկին փրկագինը վճարել է, և նրա որդին արդեն ազատության մեջ է: «Իվանի համար փրկագին է վճարվել, գումարն ինձ անհայտ է, սակայն տեղեկություն կա, որ տղային վերադարձրել են»,- ասել է կայքի անանուն աղբյուրը:
Այս տեղեկությունը դեռ չեն հաստատել ո՛չ Kaspersky Lab-ում և ո՛չ էլ Ռուսաստանի ներքին գործերի նախարարությունում: