Հայաստանի ազգային հավաքականի կիսապաշտպան Հենրիխ Մխիթարյանը չի թաքցնում, որ նախորդ մրցաշրջանը հաջող չէր իր համար։
«Նախորդ մրցաշրջանն անհաջող էր ոչ միայն իմ, այլև ամբողջ թիմի համար։ Այդուհանդերձ, շատերն անձամբ ինձ էին քննադատում, չգիտեմ, թե ինչու։ Նախկինում մեծ ուշադրություն էի դարձնում, թե մարդիկ ինչ են մտածում իմ մասին։
Նախորդ մրցաշրջանից հետո կարծիքներին ուշադրություն չեմ դարձնում»,- Մխիթարյանի խոսքերը մեջբերում է «Բորուսիա»-ի մամլո ծառայությունը։
Հավելենք, որ Եվրոպայի լիգայի գավաթի խաղարկության խմբային փուլի մեկնարկային տուրում «Բորուսիա»-ն այսօր ուժերն է չափելու «Կրասնոդար»-ի հետ։