Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության դեպքի առթիվ հարուցված քրեական գործի շրջանակում թեև նախաքննությունը ավարտվել է, բայց մեղադրական եզրակացությունը դեռ պատրաստ չէ: «Առաջին լրատվական»-ի հետ զրույցում ասաց սպանված կուրսանտ Հայկազ Բարսեղյանի հայրը՝ Արկադի Բարսեղյանը՝ հավելելով, որ դեռևս մանրամասներ չի կարող ներկայացնել, բայց ընդհանրական կարող է ասել, որ նախաքննական մարմինը ճիշտ հետքի վրա է եղել «4 տականքներն էլ եղել են սպանողները, մանրամասները դատարանում կերևան»,- ասաց նա:
Արկադի Բարսեղյանը նաև պատմեց , որ մեկ շաբաթ առաջ իրեն նամակ է ուղարկել Հայկազի սպանության մեջ մեղադրվողներից Վաչե Սահակյանը. «Նամակում գրել է. «Մի՛ հավատացեք այն մարդկանց, ովքեր ձեր որդու վշտի վրա փորձում են իրենց «ճիշտը» կառուցել»:
Վաչեն նաև ասել է, որ ներողություն չի խնդրի չարած արարքի համար: Նա նաև պնդել է, թե իրենց անմեղությունը ապացուցվում է նաև փորձաքննությունների արդյունքներից ելնելով. «Չգիտեմ, որտեղից են նման բաներ վերցնում, փաստաբանները իրենց ինչ են վստահեցնում, բայց փորձաքննությունները լրիվ այլ բան են վկայում»,-մանրամասնեց Արկադի Բարսեղյանը:
Նա նաև հիշեցրեց, որ Գնել Թևոսյանը, Նորիկ Սահակյանը, Վաչե Սահակյանը, Մովսես Ազարյանը սպանությունը կատարել են ալկոհոլ օգտագործած վիճակում, այդ օրը նշել են Վաչե Սահակյանի ծննդյանը օրը:
Արկադի Բարսեղյանը նաև նկատեց, որ զարմացած է. Վաչեն նունիսկ չի ցավակցել. «Անկախ նրանից մեղավոր ես, թե չէ, նման ձևով գրելը նշանակում է, որ կատարվածի համար անգամ զղչում չկա»,- ասաց նա:
Մանրամասները՝ տեսանյութում: