ՀունականԼեսբոս կղզում ոստիկանությունն արցունքաբեր գազ է կիրառել ներգաղթյալներին ցրելու համար։ Այս մասին հայտնում է Reuters գործակալությունը։
Ինչպես նշվում է՝ մոտ 200 ներգաղթյալներ փորձել են նավ բարձրանալ։
Հունական հեռուստատեսությամբ ցուցադրել են կադրեր, որոնցում ներգաղթյալները քարեր են նետում ոստիկանների և առափնյա պահպանության ծառայության աշխատակիցների վրա։
Ավելի վաղ հաղորդվել է, որ հունական ոստիկանությունը լուսաձայնային նռնակներ է կիրառել՝ Մակեդոնիայի սահմանին գտնվող Իդոմենի գյուղում 2000 անօրինական ներգաղթյալների բողոքի ակցիան ճնշելու նպատակով։
