Հոլիվուդյան դերասանուհի Էն Հեթեուեյը ընդամենը 32 տարեկան է, սակայն արդեն կորցնում է շատ դերեր ավելի երիտասարդ գործընկերուհիների պատճառով։ Վերջին հարցազրույցներից մեկում նա խոստովանել է, որ արդեն հիմա զգում է իր տարիքը։
«Չեմ ցանկանում խոստովանել դա, սակայն այսպիսին է կյանքի ճշմարտությունը. ինձ համար դերերը գնալով քչանում են, իսկ մրցակցությունն արդեն բավականին կոշտ է։ Նայում եմ երիտասարդ դերասանուհիներին. նրանք այնքան գեղեցիկ և տաղանդավոր են։ Մենք բոլորս ցանկանում ենք այդպիսի լինել, սակայն տարիքն իրենն անում է»,- ասել է նա։
Դերասանուհին նշել է, որ 20 տարեկանում իրեն մերժել են որոշ դերերում, քանի որ դրանց համար տարիքով կանայք են պահանջվել, իսկ երբ 30-ն անց է, որոշ դերեր բաշխվում են 20 տարեկաններին։