Մեկ ամիս հետո Լոնդոնում կանցկացվի Whiskey Show 2015 միջոցառումը, որը կհավաքի աշխարհի ամենահայտնի վիսկի արտադրողներին, ինչպես նաև դրա իսկական գնահատողներին, որոնք պատրաստ են խելահեղ գումարներ վճարել երկար տարիներ պահված խմիչքի հազվագյուտ տեսակները համտեսելու համար: Այս մասին հայտնում է rosbalt.ru-ն:
Փառատոնի շրջանակներում կկազմակերպվի փակ միջոցառում 45 մարդու համար, որոնք հնարավորություն կունենան փորձելու ճապոնական ընկերության՝ աշխարհի ամենաթանկարժեք և բացառիկ վիսկիներից մեկի 4 տեսակ, որոնք այլևս հասանելի են մանրածախ գնման համար: Բացի դրանից՝ բոլոր երջանիկները կստանան մեկ շիշ վիսկի նվեր, որը հատուկ այդ իրադարձության համար թողարկվել է սահմանափակ քանակությամբ՝ 50 հատ: Մնացածը կվաճառվի Հոնկոնգի աճուրդներում:
Յուրաքանչյուր տոմս կարժենա 9400 դոլար, իսկ 45 տոմսերը, որոնք հնարավորություն կտան փորձել բացառիկ վիսկին, կընտրվեն պատահականության սկզբունքով՝ քվեարկության օգնությամբ:
Միջոցառման ողջ եկամուտը կուղղվի բարեգործության՝ աջակցելու Նեպալում 2015թ. երկրաշարժից հետո տների շինարարությանը:
