30-ամյա Ավրիլ Լավինը և 40-ամյա Չադ Քրյուգերը ամուսնացել են 2013 թվականին, սակայն հարսանիքից շատ քիչ ժամանակ անց լրատվամիջոցները սկսեցին գրել երիտասարդ ընտանիքի խնդիրների մասին: Այժմ արդեն լուրերը հաստատվել են, և Ավրիլ Լավինը պաշտոնապես հայտնել է ամուսնուց բաժանվելու մասին, հայտնում է Viva.ua-ը:
«Տխուր սրտով մենք հայտարարում ենք բաժանման մասին: Մեր ամուսնությունը, ինչպես նաև երաժշտությունը, ինչը ստեղծել ենք միասին, շատ անմոռանալի հիշողություններ է թողնում: Մենք առաջվա պես լավագույն ընկերներ ենք և այդպես էլ կմնանք միշտ: Մեր բոլոր բարեկամներից, ընկերներից և երկրպագուներից շնորհակալություն ենք հայտնում աջակցության համար»,- գրել է Ավրիլ Լավինը:
