Հայոց Մեծ եղեռնի 100-րդ տարելիցին նվիրված «Հիշում եմ և պահանջում» խորագրով միջոցառումներ են անցկացվել մայրաքաղաքի Շենգավիթ և Նուբարաշեն վարչական շրջաններում: Ինչպես տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, Շենգավիթի համար 17 գրադարանի աշխատակիցները «Շողակաթ» հեռուստաընկերության հարակից այգում բարձրաձայն ընթե րցել են ուկրաինացի գրող Լ. Հորլաչի «Կոմիտաս» պոեմը, որից հետո ծավալվել է բանավեճ-քննարկում: Այնուհետև ներկաները գրադարանավարների ուղեկցությամբ այցելել են Կոմիտասի թանգարան, ծանոթացել ցուցադրություններին: Միջոցառոման ավարտին Կոմիտասի անվան պանթեոնում հարգանքի տուրք է մատուցվել Մեծ վարդապետի հիշատակին:
Հայոց ցեղասպանության 100-րդ տարելիցին նվիրված միջոցառում է տեղի ունեցել նաև մայրաքաղաքի Նուբարաշեն վարչական շրջանի թիվ 34 գրադարանում: Գրական-երաժշտական հուշ-ցերեկույթի սկզբում վարչական շրջանի դպրոցների աշակերտներին պատմական կարճ ակնարկով ներկայացվել է 20-րդ դարասկզբի Հայոց ցեղասպանության պատմությունը, այդ տարիներին մեր հայրենակիցներին օգնություն ցուցաբերած երկրների ցանկն ու անհատների գործունեությունը:
