Չորեքշաբթի նավթի գները նորից աճել են ԱՄՆ աշխատանքի շուկայի տվյալներից հետո, որոնք, ըստ փորձագետների, նվազեցնում են Դաշնային պահուստային համակարգի տոկոսադրույքի բարձրացման հնարավորությունը: Այս մասին հայտնում է Bloomberg-ը:
Լոնդոնի ICE Futures բորսայում մեր ժամանակով 17:35-ի դրությամբ՝ Brent տեսակի նավթի հոկտեմբերյան մատակարարումների ֆյուչերսային գործարքների գինն աճել է 1,2%-ով՝ մինչև 50,17 դոլար 1 բարելի դիմաց: WTI տեսակի նավթի հոկտեմբերյան մատակարարումները թանկացել են 0,6%-ով՝ մինչև 45,7 դոլար 1 բարելի դիմաց:
ADP ամերիկացի գործատուների կազմակերպության հետազոտական ինստիտուտի՝ չորեքշաբթի օրը հրապարակած տվյալների համաձայն՝ օգոստոսին ԱՄՆ-ում աշխատատեղերն ավելացել են 190 000-ով: