Մեծ Բրիտանիայի վարչապետ Դևիդ Քեմերոնը կարծում է, որ ավելի լավ է՝ հասնել Սիրիայում խաղաղության և կայունության հաստատման, քան ավելի ու ավելի շատ փախստականների ընդունել: Այս մասին հայտնում է RIA Novosti-ն:
«Մենք ընդունել ենք իսկապես ապաստանի կարիք ունեցող որոշակի թվով սիրիացի փախստականների: Բայց ես կարծում եմ՝ ավելի կարևոր է փորձել խաղաղություն և կայունություն հաստատել աշխարհի այդ մասում»,- ասել է նա լրագրողներին:
«Չեմ կարծում, որ մենք կարող ենք լուծում գտնել պարզապես ավելի ու ավելի շատ փախստականների ընունելով»,- հայտարարել է նա:
Մեծ Բրիտանիան թույլատրել է իր տարածքում միայն 1000 փախստականի տեղավորել, ինչն անհամեմատելի է Եվրոպա գնացող միգրանտների հսկայական թվի հետ:
2015թ. սկզբից ԵՄ տարածք է մտել 340.000 միգրանտ: Ըստ փորձագետների՝ տվյալ պահին ԵՄ երկրներում անօրինական միգրանտների հետ կապված իրավիճակը վատագույն ճգնաժամն է Երկրորդ համաշխարհային պատերազմի ժամանակներից ի վեր:
