Բելգիայի հավաքականի և «Բարսելոնա»-ի պաշտպան Տոմաս Վերմալենը գոհ է ընթացիկ մրցաշրջանում իր խաղից։ Լա Լիգայի մեկնարկային 2 տուրում նա մեկնարկային կազմում է եղել «Ատլետիկ»-ի ու «Մալագա»-ի հետ խաղերում, «Մալագա»-ի հետ խաղում խփել է միակ ու հաղթական գոլը։
«Հիմա իսկապես ինձ զգում եմ «Բարսելոնա»-ի ֆուտբոլիստ։ Ֆիզիկապես նույնպես ինձ լավ եմ զգում։ Կարևոր էր մասնակցել նախամրցաշրջանային ուսումնամարզական հավաքին»,- Վերմալենի խոսքերը մեջբերում է El Mundo Deportivo-ն։
Հիշեցնենք, որ Վերմալենը «Բարսելոնա» էր տեղափոխվել դեռ նախորդ մրցաշրջանում, բայց վնասվածքի պատճառով գրեթե դուրս չէր եկել խաղադաշտ։
