Lenta.ru-ի փոխանցմամբ՝ ռուսական «Անիմակորդ» ստուդիան YouTube վիդեոհոսթինգում տեղադրել է «Մաշան և արջը» մուլտսերիալի վերջին սերիան։ Մուլտսերիալի հեղինակները չեն պլանավորում շարունակել նկարահանումները։
Նախագծի պրոդյուսեր Դմիտրի Լովեյկոն հայտարարել է, որ «Անիմակորդին» կարող են չբավականացնել ռեսուրսները՝ նոր սերիաներ նկարահանելու համար. «Չնայած վարկանիշին՝ մենք դեռ որոշում չենք ընդունել երրորդ սեզոնը նկարահանելու մասին։ Դրա համար կպահանջվի շատ ժամանակ՝ սցենարներ հնարելու համար։ Ստուդիան ներկայումս կենտրոնացած է այլ նախագծերի վրա՝ «Սարսափազդու մեքենաներ» և «Հեքիաթի մեքենաներ»»։
«Մաշան և արջը» սկսել է թողարկվել 2009 թվականից։ Մուլտսերիալի հեղինակ Օլեգ Կուզովկովը, ով «Անիմակորդ» ստուդիայի գեղարվեստական ղեկավարն է, նախագիծը մտահղացել է 1996 թվականին։