«Մանչեսթեր Յունայթեդ»-ի դարպասապահ Դավիդ դե Խեան կարող է նոր պայմանագիր ստորագրել իր ներկայիս ակումբի՝ «Մանչեսթեր Յունայթեդ»-ի հետ։ Այս մասին տեղեկացնում է Marca-ն։
Պարբերականի տեղեկություններով, դարպասապահն այժմ դժվարին հոգեբանական վիճակում է գտնվում կապված Մադրիդի «Ռեալ» տեղափոխության աղմկահարույց ձախողման հետ։
Նա լարված հարաբերություններ ունի թիմի գլխավոր մարզիչ Լուի վան Գալի հետ, իսկ թիմի երկրպագուները վերջին իրադարձություններից հետո բացասական կարծիք ունեն դարպասապահի վերաբերյալ։
Այդուհանդերձ, ակումբի ղեկավարությունն ուժի մեջ է պահում նոր պայմանագիր ստորագրելու առաջարկը։ Դե Խեան սկսել է դիտարկել այն։ Գործող պայմանագրի ժամկետը լրանալու է 2016թ․ ամռանը։