Երեկ՝ սեպտեմբերի 1-ին, դաժան ու ողբերգական ավտովթար է տեղի ունեցել Արագածոտնի մարզում: Ժամը 23:30-ի սահմաններում Արագածոտնի մարզի Ծաղկաշեն գյուղի բնակիչ, 39-ամյա Զաքար Սահակյանը, վարելով Volkswagen Tuareg մակնիշի 20 ՍՕ 075 համարանիշի ավտոմեքենան, Ծաղկաշեն գյուղում դուրս է եկել ճանապարհի երթևեկելի գոտուց, հայտնվել առվակի մեջ, այնուհետև բախվել հաստաբուն ծառին և դուրս եկել հանդիպակաց երթևեկելի գոտի, հաղորդում է Shamshyan.com-ը:
Ըստ կայքի տեղեկությունների՝ վթարի հետևանքով ավտոմեքենայի ուղևոր, 15-ամյա Անի Սահակյանը տեղում մահացել է, իսկ Զ. Սահակյանը մարմնական վնասվածքներով տեղափոխվել է Ապարանի բժշկական կենտրոն: Ըստ տեղեկությունների՝ վիրավորին առաջինը օգնության են հասել գյուղացիները, իսկ դեպքի վայրում հավաքվածներն ասում էին, որ մահացած երեխան վարորդի աղջիկն է եղել: