Տավուշի մարզում հակառակորդի կողմից վիրավորված ժամկետային զինծառայողներ 19-ամյա Վլադիմիր Արամի Գևորգյանի և 22-ամյա Գոռ Համբարձումի Գևորգյանի առողջական վիճակը բավարար է գնահատվում: Ինչպես հաղորդում է«Արմենպրես»-ը, Վլադիմիր Գևորգյանը գտնվում է Բերդի հիվանդանոցում: Նա ստացել է թեթև վիրավորումներ և վիրահատությունից հետո նրա առողջական վիճակը գնահատվում է բավարար:
Մյուս զինծառայողին` Գոռ Գևորգյանին գիշերը տեղափոխել են Երևանի պաշտպանության նախարարության Մուրացանի անվան Կենտրոնական կլինիկական զինվորական հոսպիտալ: Հոսպիտալի պետ Արամ Ասատուրյանն «Արմենպրես»-ի հետ զրույցում ասել է, որ զինծառայողը Երևան է տեղափոխվել ծայրահեղ ծանր վիճակում: Նա ստացել է կրծքավանդակի հրազենային , այլ բեկորային վիրավորումներ: «Նրան վիրահատել են, վիճակը բավարար է: Ժամանակ է հարկավոր, որպեսզի զինծառայողը կարողանա վերականգնվել»,- ասաց Արամ Ասատուրյանը` հավելելով, որ դեռևս վաղ է ասել, զինծառայողի կյանքին վտանգ սպառնում է, թե ոչ: