Չնայած երիտասարդ տարիքին, 3 տարի առաջ Լիդիան Լեյտը կարողացել է դառնալ Բոմ Ժարդիմի քաղաքապետ` հաջորդելով իր ամուսնուն, այն բանից հետո, երբ վերջինիս կոռուպցիայի և գողության մեղադրանքով հեռացրել են այդ պաշտոնից, հայտնում է informator.su-ն:
Քաղաքապետի կյանքը դուր է եկել աղջկան: Չնայած քաղաքի աղքատությանը, Լիդիան Լեյտն ապրել է ճոխության մեջ, հիմնականում հարկատուների հաշվին: Ի դեպ, նա դա արել է քաղաքից 250 կմ հեռավորության վրա` ծովափնյա Սան Լուիս քաղաքում: Իր քաղաքը նա ղեկավարել է սմարթֆոնի WhatsApp ծրագրով:
Գեղեցիկ կյանքը վերջացել է անցյալ շաբաթ, երբ դատավորը ստորագրել է նրա ձերբակալման հրամանը: Ոստիկանությունը հայտնաբերել է, որ դպրոցական բյուջեից կորել է 4 միլիոն դոլար, իսկ ուսուցիչներին վաղուց աշխատավարձ չեն տալիս: Քաղաքապետը փախել է, ում նկատմամբ էլ հայտարարվել է հետախուզում:
