Տաջիկստանը հերթական տնտեսական ճգնաժամն է ապրում, երկրին նորից ցուրտ ձմեռ է սպասվում: Այս մասին գրում է Interfax-ը` վկայակոչելով երկրի ղեկավար Էմոմալի Ռահմոնին:
«Վերջին տարիներին, հատկապես` այս տարի, աշխարհում բարդ աշխարհաքաղաքական իրավիճակ է` տնտեսական զարգացման աճի և մեր երկրի հիմնական առևտրական գործընկերների ազգային արժույթների նվազումը, համաշխարհային շուկաներում արտահանվող-ներկրվող ապրանքի հիմնական տեսակների գների փոփոխությունը շարունակում են ազդեցություն թողնել Տաջիկստանի սոցիալ-տնտեսական դրության վրա»,- ասել է Ռահմոնը:
«Ահա արդեն մի քանի տարի է՝ մենք ժողովրդին խնդրում ենք առաջիկա 2 տարվա համար պաշարներ հավաքել: Հատկապես այս տարի, երբ երկրում առատ են գյուղմթերքները: Դրանից պետք է օգտվի յուրաքանչյուր ընտանիք»,- ընդգծել է Էմոմալի Ռահմոնը:
Ըստ տաջիկ առաջնորդի` «շատ ցուրտ աշնան և ձմռան հավանականություն է առկա», քանի որ ըստ օդերևութաբանների` «շատ շոգ ամռանը հաջորդում է շատ խիստ ձմեռը»: