Էլեկտրաէներգիայի թանկացման ֆոնին Վրաստանի մայրաքաղաք Թբիլիսիի բնակիչների 90 տոկոսը կմնա առանց էներգետիկ արժեթղթերի և սուբսիդավորման: Մայրաքաղաքի իշխանությունների որոշմամբ` օգնություն կստանան միայն սոցիալապես անապահովները, սակայն դեռևս հայտնի չէ, թե կոնկրետ որ դասակարգը կհայտնվի այդ ցուցակում, գրում է «Գրուզիա օնլայն»-ը:
2015-ից սոցիալապես անապահով խավը Թբիլիսիում քաղաքապետարանից ստանում է 500 լարի արժողությամբ կոմունալ արժեթուղթ, որի մի մասով հոգում են կոմունալ ծախսերը, իսկ մյուս մասը` ընտանիքի հաշվին է ավելանում: Այս տարվա սկզբին էներգետիկ արժեթղթեր ստացել են նաև սովորական բաժանորդները, սակայն տարեվերջին օգնությունը կտրվի միայն նպատակաուղղված, և այն կստանան միայն ընչազուրկները: Քաղաքապետարանում ասում են, որ արժեթղթերի տրվելու շուրջ աշխատանքները դեռևս ավարտված չեն:
«Առաջին հերթին մենք պետք է օգնենք այն համաքաղաքացիներին, ովքեր իսկապես կարիք ունեն: Այն քաղաքացիների համար, ովքեր իրենց նվազագույն պահանջները բավարարող որոշակի աշխատավարձ ունեն, պետք է այլ դիրքորոշում գտնել»,- հայտարարել է սակրեբուլոյի նախագահ Գեորգի Ալիբեգաշվիլին:
«Կոմունալ արժեթղթեր կստանա Թբիլիսիի բնակչության միայն այն մասը, որը դրա կարիքն ամենից շատ ունի»,- հայտարարել է Թբիլիսիի փոխքաղաքապետ Իրակլի Լեկվինաձեն: