Ամերիկյան Associated Press լրատվական գործակալության փոխանցմամբ՝ Իրանի Իսլամական հեղափոխության պահակազորի ղեկավար, գեներալ Մոհամմադ Ալի Ջաֆարին հաստատել է, որ ԱՄՆ-ն իր երկրում դեռևս ընկալվում է որպես «Մեծ սատանա»։ Ջաֆարիի խոսքերով՝ Իրանը չի վախենում ԱՄՆ կողմից հարձակման ենթարկվելուց։
Ջաֆարիի խոսքերը հնչել են այն բանից հետո, երբ Թեհրանի ոստիկանապետ Հուսեին Սաջեդինիան հայտարարեց առևտրականների ձերբակալման մասին, որոնք վաճառել են պետական դրոշի ու «սատանայական խորհրդանիշների» տեսքով իրեր։ Ոստիկանները այցելել են մի շարք խանութներ, որոնցում առևտուր են իրականացրել ամերիկյան, բրիտանական ու իսրայելական արտադրության իրերով։
ԱՄՆ-ին Իրանում առաջին անգամ «Մեծ սատանա» է որակել երկրի առաջին գերագույն առաջնորդ այաթոլլահ Խոմեյնին՝ 1979 թվականի նոյեմբերի 5-ի իր ելույթում։ Խոմեյնին ԽՍՀՄ-ն անվանում էր «Ավելի փոքր սատանա», իսկ Իսրայելը՝ «Փոքր սատանա»։