Իրանական Fars լրատվական գործակալության փոխանցմամբ՝ Իրանի Իսլամական հեղափոխության պահակազորի հրամանատար, գեներալ-մայոր Մոհամմադ Ալի Ջաֆարին հայտարարել է, որ Իրանի զինված ուժերը պլանավորել են մինչև իրանական ընթացիկ տարվա ավարտ (ավարտվում է հաջորդ տարվա մարտի երկրորդ կեսին) անցկացնել 20 զորավարժություն:
«Զինված ուժերն այս տարի կանցկացնեն պլանային 20 զորավարժություն։ Առաջիկա չորեքշաբթի-հինգշաբթի կանցկացվեն «Բասիջ» ժողովրդական աշխարհազորի վարժանքները։ Դրանց կմասնակցի 250.000 մարդ, որոնք միավորված կլինեն 250 գումարտակում։ Կամավորները մշակելու են անվտանգության ոլորտում սպառնալիքը հետ մղելու եղանակներ»,- ասել է Մոհամմադ Ալի Ջաֆարին։
Որոշ տվյալներով՝ Իրանում «Բասիջ» համակարգում ներառված է ավելի քան 12 միլիոն մարդ։