Անցած երկուշաբթի Ավստրիայի ոստիկանությունը ավելի քան 3 500 միգրանտի է հաշվել Վիեննա մտնելիս, որոնք Մերձավոր Արևելքից և Հյուսիսային Աֆրիկայից Ավստրիա են մեկնել Հունգարիայով: Այս մասին հայտնում է OFR հեռուստաալիքը:
Իրավապահները հաշվել են 3650 մարդու, որոնք նախօրեին 2 գնացքով մեկնել են Բուդապեշտից, ընդ որում՝ նրանց մեծ մասն արդեն լքել է Ավստրիայի մայրաքաղաքը:
Միգրանտների նպատակը հիմնականում Գերմանիա հասնելն է: Մոտ 500 մարդ ստիպված է եղել գիշերն անցկացնել Վիեննայի Արևմտյան կայարանում՝ դրա հարևան դատարկ գրասենյակային շենքում:
Երկուշաբթի օրվանից կայարանում հերթապահում են ոստիկանության ուժեղացված ջոկատները, միաժամանակ, փախստականներն իրավունք ունեն ապաստանի խնդրանքով դիմել նրանցից ցանկացածին, քանի որ այլապես առանց շենգենյան վիզայի միգրանտները հետ կուղարկվեն Հունգարիա: Միաժամանակ, OFR-ի տեղեկությամբ, միայն Աֆղանստանի 6 քաղաքացի է համապատասխան հայտարարություն տվել:
2015 թ. սկզբից Եմ տարածք է մտել 340 000 միգրանտ: Ըստ փորձագետների՝ տվյալ պահին ԵՄ երկրներում անօրինական միգրանտների հետ կապված իրավիճակը տեղափոխված անձանց հետ կապված վատագույն ճգնաժամն է Երկրրոդ համաշխարահային պատերազմի ժամանակներից ի վեր:
