Դերասանուհի Սանդրա Բալոքն այս տարի ճանաչվել է ամենագեղեցիկ կինը People-ի վարկածով: Ցավոք, Բալոքի անձնական կյանքն այնքան էլ հաջող չի դասավորվել: 2010 թ. 5 տարվա ամուսնությունից հետո դերասանուհին բաժանվել է ամուսնուց դավաճանության պատճառով, գրում է elle.ru-ն:
Տարիներ անց հոլիվուդյան 51-ամյա աստղի նոր ընտրյալը դարձել է լոսանջելեսցի լուսանկարիչ և մոդել Բրայան Ռենդալը: Տաբլոիդների հաղորդմամբ՝ Սանդրան և Բրայանը ծանոթացել են ընդհանուր ընկերների միջոցով և արդեն մի քանի ամիս հանդիպում են: Այդ ընթացքում ԶԼՄ-ները դերասանուհու 49-ամյա ընտրյալին հայտարարել են Հոլիվուդի նոր սեքս-խորհրդանիշ:
Սիրահարներն առաջին անգամ միասին ներկա են եղել Ջենիֆեր Էնիսթոնի և Ջասթին Թերուի գաղտնի հարսանիքին, իսկ օրերս զույգին տեսել են Craig’s ռեստորանում ռոմանտիկ հանդիպման ժամանակ:
Ռենդալի մասին շատ բան հայտնի չէ: Լուսանկարիչ դառնալուց առաջ նա ավելի քան 20 տարի աշխատել է որպես մոդել: Բրայանը, ինչպեսև Բալոքը, երեխա ունի՝ աղջիկ, որի պատվին դաջվածք է արել մատին: Երկու հայտնիները նաև իրենց մայրերին նվիրված դաջվածքներ ունեն: Սանդրան իր դաջվածքն արել է սրտի տակ 2000 թ. մոր մահից հետո:
Բրայան Ռենդալը