Ադրբեջանական Turan լրատվական գործակալության փոխանցմամբ՝ ԵԱՀԿ/ԺՀՄԻԳ-ը Ադրբեջանի իշխանությունների հրավերով դիտարկում է անցկացնելու 2015 թվականի նոյեմբերի 1-ին կայանալիք խորհրդարանական ընտրություններում։
Այդ մասին նշված է ԵԱՀԿ/ԺՀՄԻԳ-ի գնահատիչ առաքելության հաշվետվության մեջ, որը օգոստոսի 12-14-ը ծանուցողական այց է կատարել Ադրբեջան։ Դիտարկումն իրականացնելու է 30 երկարաժամկետ ու 350 կարճաժամկետ դիտորդ։
Հաշվետվությունում գնահատական է տրվել նախընտրական մթնոլորտին ու ընտրություններին պատրաստվելուն։ Դրանում մասնավորապես նշված է, որ ավելի վաղ ԵԱՀԿ/ԺՀՄԻԳ-ի տված մի շարք խորհուրդներ այդպես էլ չեն կատարվել, որոնք առնչվում են ընտրական օրենսդրության կատարելագործմանը։
Ընդգծվում է, որ կանայք բավարար չափով ներկայացված չեն պետական ծառայությունում։ Գործող խորհրդարանի կազմում նրանք զբաղեցնում են տեղերի 16 տոկոսը, իսկ ահա կառավարության 42 նախարարական պորտֆելներից միայն մեկն է բաժին ընկել կանանց։
