Մինչ քաղաքացիական նախաձեռնությունները, ի դեմս «Ո՛չ թալանին» նախաձեռնության, պատրաստվում են վաղվանից ընդվզումների ալիք սկսել ՓՄՁ-ն չսուբսիդավորելու դեմ, կառավարությունն այսօրվա նիստում որոշում ընդունեց հարցին լուծում տալ, բայց կիսով չափ։
Էներգետիկայի և բնական պաշարների նախարար Երվանդ Զախարյանը հայտնեց, որ փոքր ու միջին ձեռնարկությունները կսուբսիդավորվեն սպառած էլեկտրաէներգիայի միայն 250 կվ ժամի չափով։
Թե ինչպես են չափը որոշել, Զախարյանը վստահեցրեց, որ ՓՄՁ-ի սպառած էլէներգիան մինչև 500 կվ ժամ է, իրենք էլ կեսն են սուբսիդավորում՝ միջոցների սղության պատճառով։ Խոշոր ձեռնարկությունները չեն սուբսիդավորվելու։ Իսկ այս ամենը տևելու է մինչև Հանրային ծառայությունների կարգավորման հանձնաժողովում խորհրդատվական աշխատանքների ավարտը։ Մինչդեռ Սերժ Սարգսյանը հայտարարում էր, որ սուբսիդավորումը լինելու է մինչև ՀԷՑ-ում աուդիտի ավարտը։ Իսկ ՀԷՑ-ում աուդիտ անցկացնելու մրցույթ նոր է հայտարարվել, որի վերջնաժամկետը սեպտեմբերի 31-ն է։
Զախարյանին հարցրինք նաև քաղաքացիների ահազանգի մասին, ըստ որի՝ հուլիս ամսին սպառած էլեկտրաէներգիայի տվյալները ուռճացված են։ Զախարյանը վստահեցրեց. «Մենք նման տեղեկատվություն չունեն, եթե լինի, կհետևենք»։
Ավելին՝ տեսանյութում:
