Microsoft ընկերությունը 4 նոր թարմացում է հրապարակել Windows 7-ի և 8-ի համար, որոնք ունեն օգտատերերի մասին տեղեկություններ հավաքելու, գործողություններին հետևելու գործառույթներ: Սա պարզել են IT-մասնագետները և տեղեկությունը տարածել են ԶԼՄ-ներում, հայտնում է ZN պորտալը:
Թարմացումները ներառում են KB3068708, KB3022345, KB3075249 և KB3080149 ֆայլերը, որոնք դիագնոստիկ և հեռուստաչափիչ ծառայություններ են դնում համակարգչի սարքերի վրա և օգտատիրոջ էջում: Մասնագետները նշում են, որ թողարկված թարմացումներն անտեսում են օպերացիոն համակարգում բոլոր օգտատիրական կարգավորումները և անմիջապես սկսում են տեղեկություն փոխանակել vortex-win.data.microsoft.com-ի և data.microsoft.com-ի հետ:
Ներկայումս այդ թարմացումները Windows 7-ի և 8-ի համար պարտադիր չեն, նշում է պորտալը: Սա նշանակում է, որ օգտատերը կարող է անջատել թարմացումների միացումը կամ ջնջել դրանք եթե արդեն ներբեռնված են, և օպերացիոն համակարգը չի կարողանա նորից ներբեռնել դրանք: