Լիբիայի ափերի մոտ ներգաղթյալների նավ է խորտակվել: Մահացել է 37 մարդ՝ հայտնում է Reuters-ը: «Առայժմ հայտնի չէ, թե քանի մարդ է եղել նավում»,- հայտնել են Կարմիր մահիկի ներկայացուցիչները:
Սա արդեն երկրորդ այսպիսի դեպքն է անցած շաբաթվա ընթացքում՝ հայտնում է «Ալ-Ջազիրա» հեռուստաալիքը: Օգոստոսի 27-ին Լիբիայի մայրաքաղաքից 160 կմ հեռավորության վրա գտնվող Զուարա քաղաքի մոտ դարձյալ ներգաղթյալների նավ էր խորտակվել, որը շարժվում էր դեպի Իտալիա: Նախնական տվյալներով՝ այն ժամանակ մահացել է 105 մարդ: Հեռուստաալիքի հաղորդմամբ՝ ավելի քան 100 ուղևոր համարվում է անհետ կորած, ևս մոտ 200 հոգի փրկվել է: