Բջջային հեռախոսներ արտադրող առաջատարներից մեկի` Siemens-ի հետ տեղի ունեցավ նույնը, ինչ Nokia-ի հետ. նրանց հնացած սարքավորումներին փոխարինելու եկան սմարթֆոնները: Եթե Nokia-ին գնեց Microsoft-ը, ապա Siemens-ի բջջային արտադրությունը գնեց Gigaset-ը, հայտնում է itbusiness.com.ua-ն:
6 տարի անց Gigaset-ը թողարկեց իր առաջին սմարթֆոնը: Ըստ լուրերի՝ այն կմրցակցի այնպիսի հեռախոսների հետ, ինչպես Google-ի Nexus 5-ն է: Իսկ նրա գինը չի գերազանցի 250 դոլարը:
Նորույթն ունի 1,8 հաճախականությամբ Snapdragon պրոցեսոր, 3 Գբ օպերատիվ և 32 Գբ ընդհանուր հիշողություն, 8-մեգապիքսելանոց դիմային և 16-մեգապիքսելանոց հիմնական տեսախցիկներ: Սմարթֆոնն աշխատում է Android 5.1.1 Lollipop համակարգով: